與陳炳銓保持聯絡 李佳芯親揭疫情導致分手

李佳芯(Ali)在黎諾懿監製及主持的無綫節目《仨心友行3》中，剖白失戀經歷，親揭與陳炳銓早於2020年分手，七年情告終，親揭分手真相竟然跟疫情有莫大關係。

《仨心友行3》前晚一集，三位嘉賓李佳芯、麥美恩（Mayanne）及劉穎鏇（Tiffany）大談感情事，Mayanne和Tiffany自認性格太熱情，經常惹來異性誤會。身為女神的Ali自言個性率直，說話無尾音，加上自幼被母親嚴禁做出惹人誤會的舉動，因此對不感興趣的異性大獻殷勤，會立即落閘。她又稱不察覺多人追求︰「如果係我鍾意嘅，唔使追我我都會成日黐住佢。」Ali又指希望另一半能夠了解及支持自己︰「我一直畀人感覺硬淨，好易令男友覺得我唔需要佢，因為我唔嗲又唔識𠱁人，依家學識如果講一句『搞唔掂呀，無咗你唔得』，佢（男友）會好開心。」

感恩再見亦是朋友

Ali在節目不但激罕談前度陳炳銓，更公開分手真相。她指雙方有許多問題早已醞釀多時，及後因疫情爆發，她與男友工作量大減，相處時間變長，令問題浮面。她表示︰「我同前男友喺2020年分手後『再見亦是朋友』，至今仍保持聯絡，好感恩可以用第二種方式，去維繫番呢段感情，大家做到朋友。」

撰文︰Steven

美術︰梁政敏