甫出道與黎明合作 陳松伶接拍《天涯歌女》全因夠慘

現年51歲的陳松伶（松松）當年以學生身份出道，即與天王黎明合作拍劇集《天涯歌女》。日前松松接受王祖藍主持的《有個閨密叫祖藍》訪問，大談當年穿校服與男神合作的趣事，又自爆獲選做《天》劇女主角，全因一次煲湯意外，令祖藍十分驚訝。

陳松伶與王祖藍雖然一直相識，但竟透過《閨密》才首度會面，原來他們之前一直靠短訊建立感情；但驚訝的是祖藍在節目中竟對松松瞭如指掌，閒談間更發現松松某些特質似足祖藍太太李亞男，而祖藍則與松松老公張鐸臭味相投，松松更掩臉尖叫︰「你（祖藍）居然都係咁？要blacklist（列入黑名單）呀！」

爆鄭伊健曾勸退

松松多年來跟黎明、鄭伊健及張智霖等多位男神合作，堪稱「男神收割機」，她亦大談彼此合作趣事。當中，松松與伊健合作次數最多，曾共演七、八部劇集，她笑言伊健本身性格慢熱內斂，隨着合作漸多，才變得相熟會照顧她，更曾勸她別再拍劇。她說：「最好笑係開開下工、凌晨三點幾，伊健突然話『你唔好再拍戲，你去返學啦』，我就話『哦，好呀』。」

提到出道作《天涯歌女》的拍檔黎明，松松十分感激對方教她不少東西︰「嗰時我只係學生，佢已經係當紅小生，我記得我着住校服返TVB，返到公司仲要除校服、着旗袍同戴假髮。你知一個學生，好少同陌生人食飯應酬，佢就叫我可以花多啲時間，同同劇嘅人食飯，但我嗰時腦入面除咗講對白，就係做功課。」松松又爆《天》劇的面試地點竟是在醫院︰「因為我嗰時煲雞腳湯，點知個瓦煲下面穿咗，燙傷咗隻腳；監製去醫院睇我時，見我好似好可憐咁，就順理成章揀咗我拍《天》劇。」

撰文︰倪小珊

美術：梁政敏