日本開工遇水災 張寶兒拍片報平安

張寶兒上月中到日本拍攝旅遊節目《45日環遊日本》（暫名），她日前抵達青森縣的奧入瀨溪流，惟當地近日持續暴雨致多區水浸，政府更發出危險避難警報，告知有山泥傾瀉風險。張寶兒前晚更新社交平台，拍片報平安，片中見她站在酒店房窗邊，直擊戶外洪流情況，「我哋會全日stay喺呢度，直至周圍嘅道路開通番、警報取消，先會有進一步行動，大家唔使擔心，阿爸阿媽唔使擔心，我老公（袁偉豪）都唔使擔心。」

而張寶兒昨日上載與袁偉豪挑戰整牛角包的短片，祝大家七夕節快樂，並以hashtag報平安及更新近況「#我很好」、「#今日（昨日）非常感恩我們安全離開山區雨帶了」。