傳AGA約滿環球轉投華納 李幸倪︰佢一定經過深思熟慮

李幸倪（Gin Lee）、吳若希（Jinny）及吳浩康等昨日錄影《勁歌金曲》。有傳同屬環球唱片的江海迦（AGA）即將約滿，並轉投華納旗下，問Gin Lee是否知情？她只說︰「我都唔知呢件事。（私下好少聯絡？）近排係少咗聯絡同見面，遲啲我哋應該有個聚會，或者到時再問下佢。」雖然AGA是否離巢仍屬未知之數，但Gin Lee表示︰「相信即使佢有呢個諗法，都一定係經過深思熟慮，都希望佢有好好嘅發展。」

另外，Jinny所屬的星夢娛樂已改名為「TVB Music Group」，Jinny指︰「公司由內到外都大換血，之前合作嘅同事都唔見晒，好多嘢要重新適應，但對我嚟講任何合作模式都無分別。」在家中抗疫兩個多月，Jinny稱跟一對仔女的感情更融洽，但女兒知道她要開工沒有不捨，反而期待媽媽在熒幕唱歌，Jinny笑謂︰「之前返工嘅心情好似送殯咁，但依家開心好多。」

採訪︰Pauline