孖女4歲生日曬全家福 熊黛林教囡囡擺甫士

熊黛林（Lynn）與丈夫郭可頌的一對孖女Kaylor與Lyvia昨日四歲生日，一家人一如以往到影樓拍攝生日照和全家福。Lynn一手包辦籌備、布置、為囡囡扮靚等工作，拍攝時更親自教囡囡擺甫士及儀態。她笑言比自己拍照更辛苦︰「我影相唔使前期工作，影完就走，但依家要幫佢哋諗着咩衫？點樣影？要溝通，完咗之後又要揀相…我寧願自己影相多啲，哈哈。」

一對孖女不經不覺已經四歲，Lynn感慨說︰「佢哋真係大得好快！尤其係我出咗去做嘢嗰三個月，返嚟之後見佢哋高咗咁多，又識講好多嘢，突然之間覺得自己好似錯過咗啲嘢。記得嚿年佢哋生日，我返咗內地做嘢，唔可以陪喺佢哋身邊，我都有少少唔開心；但係今年喺佢哋身邊，我同囡囡都好開心…希望佢哋可以健健康康、快高長大，每日都咁開心。」