新歌講述「做兵」故事 應智越憶中學單戀經歷

應智越（細貓）前日發表新歌《幕後花絮》，MV亦於當晚推出，獲多位圈中好友轉發支持。細貓在MV中飾演侍應生，他表示︰「MV入面我嘅性格比較內向、善良、唔敢太過表達自己，只係一直單戀一個女仔…直到佢有男朋友，知道自己只屬好朋友，只可以退居幕後，做女仔嘅支援，好慘情！」

新歌講述單戀，細貓自言讀中學時也有類似經歷︰「中學時有試過單戀同學，但最終無表白，但我相信大部分男仔都有同樣嘅經歷。」另外，以往細貓的歌曲多為自己創作，但今次卻沒有參與其中，他解釋︰「因為感覺自己喺創作上有時會過分執着，或者有盲點，所以都想接觸其他創作人，可能會帶嚟新嘅衝擊同火花。」