孖盧瀚霆拍新戲 姜大衞︰喜歡同年輕人合作

姜大衞（John哥）和太太李琳琳昨日出席「電影導演會教室2021」畢業禮，John哥日前在台慶頒獎禮獲得「萬千光輝演藝大獎」，他笑說︰「當晚返到屋企已經好夜，屋企又無嘢食，阿仔（姜卓文）去便利店買杯麵畀我食，當係慶祝。」

永不言休的John哥，透露數日後將開拍新電影，過年後再拍無綫一部單元劇。提到在新電影中與人氣男團MIRROR成員盧瀚霆（Anson Lo）合作，John哥說︰「新戲要喺過年前拍完，都幾趕。今次同五個後生仔合作，早幾日對稿見到Anson Lo，MIRROR淨係識佢。」他表示喜歡跟年輕人合作︰「希望有多啲機會畀新人，唔係『賣花讚花香』，好似TVB有幾個新人好有熱誠，不過我唔講名，唔想佢哋驕傲。（贈後輩貼士？）希望佢哋畀貼士我就真，不過我都成日同阿仔講，做戲要自然，唔好為做而做。」