陳柏宇感觸移民潮唱到淚崩

陳柏宇（Jason）前晚舉行紅館演唱會尾場，邀得同樣為人父母的方皓玟（小明）做嘉賓。二人相識15年，大談湊朋友的逸事。Jason唱《逸後》一曲時，突然淚崩哭至面容扭曲，近半首歌不能唱下去，但現場揮動手機燈光的觀眾們隨即全場大合唱，代Jason完成歌曲，場面感人。而連續兩晚都睇足全場的女兒Abi，忽然在席上大叫「爸爸」，Jason一聽女兒呼喚自己即時回應，表現窩心。

騷後Jason解釋何解唱到喊：「因為《逸後》嗰一part係講離別，眼見好多人都移民，一個一個咁走，入咗個故事裏面，所以頂唔住。」提到首場邀得天王黎明做嘉賓，Jason說：「今次係同佢第一次合作，佢啲金句好勁，我接唔住。」