莫鎮賢感謝伯樂梅艷芳

莫鎮賢（Kan）原定上月舉行《莫鎮賢好歌響起演唱會》，但因遇上颱風而延至前晚在文化中心舉行，Kan邀得韋綺珊、何婉盈和蘇志威擔任嘉賓，好友鄺美雲及李樂詩等亦到場睇騷。對於個唱押後一個月才舉行，Kan大呻好慘︰「好辛苦，又要忍口多一個月，又擔心閒日開騷觀眾會退票，好彩都係退得幾張。」

Kan在個唱上向梅艷芳、張國榮、羅文及陳百強等人致敬，他指若不是梅姐，他亦不會回港發展，「當年我喺日本讀書，梅姐打電話同我講『返嚟香港參加比賽，我覺得你係屬於舞台』，就係咁帶咗我返嚟，多謝梅姐，永遠懷念你。」

採訪、攝影︰倪小珊