張頴康拍拖一個月認定麥雅緻

下月踏入40歲的張頴康昨日接受電台訪問，透露當年對太太麥雅緻一見鍾情，結果二人MSN對話近一年才正式約會及拍拖。惟交往不久，張頴康捲入一宗酒吧醉酒傷人案，麥雅緻十分緊張地幫他找律師、搜集資料，最後簽保守行為成功解決事件，他直言︰「我從未遇過一個女仔一心對我好，亦唔使擔心佢有異心，所以一齊一個月，我已經話一定會娶佢做老婆！」

另外，張頴康坦言當初做演員人工只有數千元，便轉行往內地工作，「（轉行）唔夠一個月，大埔發生一宗嚴重車禍，當時我入行十年連配角都未做過，如果我就咁走咗會唔甘心，就同太太講我想返TVB，老婆話『你去追夢啦，唔好諗錢嘅問題，屋企等我頂！』邊有咁型嘅女仔？」