馬浚偉自爆曾與樂易玲無偈傾

馬浚偉日前在電台節目《同理‧繼續傾》中，自爆與圈中人的恩怨情仇，當中包括無綫高層樂易玲。馬仔表示︰「曾經我同樂小姐唔係幾傾到偈，甚至不咬弦，但呢四、五年間我哋感情好好，禮拜日仲一齊返教會，佢有唔開心都打電話畀我。」有傳馬仔12年不甘被無綫冷待而提早解約，當時更拒絕跟樂易玲回召，揚言：「我同樂易玲，緣薄！」

另外，馬仔又大爆林敬剛多年前曾因發酒癲而向他破口大罵，不過後來敬剛主動向馬仔道歉，兩人自此成為好朋友。