宣布下月開Talk Show Bob化身教父「爆大鑊」

林盛斌（Bob）昨日宣布下月18日假九展舉行《The Bobfather 2021》，是他相隔六年，第二次開個人talk show；宣傳海報中，Bob以經典電影《教父》的造型上陣。他昨日接受《晴報》訪問時，揚言除了大放笑彈，亦會大爆自己鮮為人知的一面，令人相當期待。

林盛斌一向口才了得，搞作多多的他昨日在社交平台宣佈開第二次talk show︰「各位，喺度我正式宣布『我再開show喇』。2015年，伊利沙伯體育館。2021年，玩大啲，九展Star Hall。上次，我令大家過咗一個開心愉快嘅晚上；今次，希望繼續為大家帶來一點歡笑，一點正能量。」Bob昨日接受本報訪問，透露今次主題會圍繞工作、家庭及社會，「亦有部分係爆自己料，𤓓事、勵志同感人事，呢啲大家都唔知嘅。」

Bob嫂踢爆鬼崇度稿

Bob表示現已閉關度稿，亦要花時間練習和綵排，雖然忙得不可開交，但心情既期待又興奮，「感覺就好似同一班一直支持我嘅朋友聚會咁。因為疫情稍為緩和，好多藝人同歌手都陸續開show，場地好多都爆滿，咁啱畀我哋搵到呢一日，覺得係一個啱嘅時候去做一個大型演出。」至於為何以「教父」造型拍海報？他解釋︰「我由細到大都好鍾意《教父》呢套電影，覺得個教父好型，對屋企人、身邊朋友好好，事業又好成功。」

至於「Bob嫂」黃乙頤昨日亦有在社交平台爆料︰「每次啲細路好搞笑嘅時候，佢都會轉身鬼鬼祟祟唔知做啲乜嘢，原來就係準備呢個talk show！」

撰文︰倪小珊

美術︰梁政敏