無辜被指「搞大少女肚」 許廷鏗︰佢喊住講唔好意思

許廷鏗（Alfred）早前開直播宣布成立自家公司「自許紀錄」，但期間竟被一名自稱新演員曾嘉晴（Angel）的網民留言斥責他「搞大我個肚唔認數」，而Angel本人日前強調是被冒充抹黑，已報警處理。Alfred昨日替Angel發聲，強調自己本可一笑置之，但希望冒充者理解這是嚴重罪行。

許廷鏗（Alfred）昨日到電台接受訪問，提到無辜被指「搞大人個肚」，他自嘲道︰「今次我真係恭喜你。」Alfred續指自己亦曾被冒認，並替曾嘉晴發聲︰「佢係啱啱喺娛樂圈打滾嘅女仔，我都唔希望呢件事影響到佢事業。其實佢都曾經聯絡過我，喊住同我講唔好意思。我唔知冒認人嘅身份，但明顯係惡意行為，如果誣衊或者構成誹謗就真係忍無可忍。」

出新歌一腳踢

Alfred又謂此事他本來可以一笑置之，但希望冒充者理解事件是嚴重罪行。問到可覺得自己得罪人？Alfred笑言自己可能有得罪人，但強調冒認是不負責任的行為，「我再講對方只會愈講愈high，想再得到其他人注目。」

另外，Alfred最近自組公司「自許紀錄」，並推出新歌《佛系人生》，Alfred表示︰「由細到大好多人都叫我做『阿佛』，之前我同夕爺（林夕）講起我有個節目《AH佛真‧惜玩》，講下講下夕爺就話不如首歌叫《佛系人生》。『佛系』有好多解讀，有人覺得緣份到自然會成功，但對我嚟講大前題都要努力去做，結局係點就隨遇而安。」

對於親身到電台派歌，Alfred坦言心情非常緊張，前晚更因此失眠，「因為搞呢個作品係由零開始，感覺好似十月懷胎，驚自己有甩漏。」

採訪、攝影：Pauline

美術：梁政敏