演唱會搵猛男伴舞 方皓玟無同老公備案

方皓玟（小明）前晚假紅館舉行尾場演唱會，本身畏高的小明在騷上連番使用升降台，成功突破自己。而當唱到經典作品《你是你本身的傳奇》和《假使世界原來不像你預期》時，全場觀眾舉起手機閃光燈，場面感人。

完騷後小明接受訪問，提到騷上有不少半裸猛男dancers，問下次開騷會否加碼？小明笑說︰「已經有一打喇！個個都好努力修身，有好多肌肉、好有型。（老公會唔會呷醋？）佢喺日本有嘢做，好可惜嚟唔到，不過我無同佢講個騷有猛男，又無講有網上版，佢都唔會自己搵嚟睇，不過就算睇到佢都OK嘅。」