爆TVB人工得8千蚊 陳宇琛親揭離巢原因

石修兒子陳宇琛昨日42歲生日，他在社交網細數自己入行18年的辛酸史。陳宇琛24歲時孭住「星二代」包袱入行，別人以為是捷徑，但實際十分艱難：「好似被一直批判。」他加入無綫五年後，公司發生人事大變動︰「山頭文化嘅現實，突然間令我失去咗好多我應該有份參與嘅劇集演出…被人安排做番一啲啱啱入行嘅嘢，完全唔起眼嘅節目。當時感覺好難受，好似被人betray（背叛）…我唔係帶錢返工嘅人，嗰陣每個月人工係8,000蚊，有時到月尾戶口得番100至200蚊。」

他自爆當時拍拖七年的未婚妻更要求取消婚禮，令他人生陷入谷底。直至加入無綫十年後，他獲另一電視台以四倍人工邀請過檔，他考慮一會便立即答應。