黎瑞恩拒絕囡囡入行做歌手

黎瑞恩（小恩子）前晚接受馬浚偉主持的電台節目《同理‧繼續傾》訪問，提到早前翻唱《念親恩》，並找來一對仔女和唱，小恩子說︰「呢首歌係我人生第一次參加歌唱比賽唱嘅歌，我個女唱梗係無問題，但阿仔唔肯，我求佢幫手，當做紀錄佢15歲嘅聲音。」馬仔表示聽過小恩子女兒唱歌，大讚非常出色，小恩子說︰「個女有問我將來做歌手得唔得，我話唔得！你未讀完書就唔得，一定要讀完大學，畢咗業先！」

提到小恩子早前自爆胰臟患兩個瘤，原來已是八年前的事，她早前因感冒菌入腸而入院檢查時，發現兩個瘤離奇消失。她說︰「醫生話病痛係鬱出嚟，保持心境開朗對病情有幫助，我一於照做，醫生幫我照完，話見唔到八年前兩粒腫瘤，只見到兩撻疤，但呢八年我係完全無做任何治療，係咪好神奇？因為我成日都開心，喜樂乃是良藥。」