半夜拍劇撞鬼 滕麗名：靈體喺耳邊吹口哨

滕麗名、白彪和康華日前接受《Master's Talk師父有請》訪問，大談圈中的靈異事件。滕麗名透露某年她在錄影廠通宵拍劇時，人有三急去洗手間，怎料在廁所鏡子中看到另一人影，但身邊卻沒有人，嚇得她驚惶失措。阿滕又說︰「曾經喺凌晨兩點開工準備埋尾，收音師話聽到有人吹口哨，閂咗廠門都有聲，後來有人喺我耳邊吹口哨！點知隔籬廠張家輝開緊《騙中傳奇》，佢又嗌救命，佢大叫『有人喺我耳邊吹口哨呀』。」

白彪則表示早前在菲律賓拍戲時遇上「驅魔人」事件，一位女特約演員突然失常：「個女演員雙眼翻起咗，見唔到佢眼珠，四個工作人員都被佢揈到彈開，有軍人保安褪咗三粒子彈夾佢手指，佢仲嘔啲綠色嘢出嚟。」