被批牛年感情有變 李佳芯開腔講陳炳銓︰未結又未分

李佳芯（Ali）和拍拖六年的男友陳炳銓近來屢傳分手，日前Ali接受《Master's Talk師父有請》訪問，被麥玲玲批算今年在工作上或跟另一半的關係會有變化，Ali聞言即緊張追問，更透露跟陳炳銓未結婚亦未分手，感情狀態似乎在冷戰。

李佳芯日前與高海寧（高Ling）及張曦雯（Kelly），在節目中跟主持林盛斌（Bob）和麥玲玲大談玄學上的「主角命」。Ali從有線做主持開始，過檔無綫後慢慢由配角當上主角，她說︰「我成日覺得鮮花係需要綠葉襯托嘅，我唔介意做綠葉，當然如果有機會做花，每個人都想做花。」高Ling初入行時以性感形象示人，她坦言當時沒想太多，只是有任何工作都會做，但拍劇時聽過難堪的話︰「有個導演同我講『你呢世都做唔到主角』，真係幾大打擊，佢係純粹睇樣就咁講…不過我唔記得佢係邊個喇！」

麥玲玲指高Ling及Kelly均屬鼻高一族，容易吸引男女的注意力，而Ali則有桃花眼。Ali說︰「我係大眾臉，過目即忘喎！我坐喺度，啲人係感受唔到我體溫，行過都唔覺得我存在。以前近視大眼鏡，鼻又扁，升中之後好似消失咗一樣，無論係學業成績、高度同朋友，我都唔起眼，校花一定唔係我，人生無乜機會做過主角。」

張曦雯最驚有BB

三人又讓麥玲玲批算牛年運程，麥玲玲指Kelly今年是天合地合年，有機會結婚、生仔或者買樓，Kelly聞言即說：「千祈唔好有BB，咁我揀買樓啦！」Ali則被批為變化年，跟另一半的關係有可能生變，Ali問︰「即一係結婚一係分開？暫時兩樣都唔係，未有結又未係分，我反而期待事業有突破，我有興趣搞生意。」麥玲玲隨即潑冷水，直指Ali無生意命，又指Ali野心不大，不主動不進取，連做藝人都相當另類，Ali搞笑說：「咁講我真係唔應該入行？或者我係時候退休？」

撰文︰倪小珊

美術︰梁政敏