囡囡百日宴影全家福 雨僑寫下湊B辛酸：喊得多過個女

雨僑今年八月誕下女兒羅約彌（Harper）後，一直親力親為湊女，前日為囡囡在酒店舉行小型百日宴，與老公羅力威及父母齊齊慶祝。為母則強的雨僑撰長文，分享湊女三個月的苦與樂，雖然女兒為她帶來眼淚汗水及一身痠痛，但看到女兒肥肥白白，令她深感值得，將辛苦拋諸腦後。

雨僑前日在酒店為女兒Harper舉行百日宴，雨僑為囡囡戴上玫瑰頭飾，猶如小公主般，非常精靈可愛。除了老公羅力威外，雨僑父母亦悉心打扮出席BB百日宴，一家人溫馨又幸福。一早決定親自湊女的雨僑，沒有聘請工人及陪月，這三個月嘗盡初為人母的辛酸。

雨僑撰長文寫道：「呢一百日佢（女兒）喊得多，我喊得仲多！由每分每秒都唔知佢喊乜，總之就日喊夜喊，一日嘔濕十幾套衫；鍾意就三日唔屙屎，到知道佢有肚風呀搓肚仔呀，人生目標短到淨係想你捱過一餐奶，唔好三個鐘頭全喊。」

捱到全身「媽媽痛」

雨僑雖有「神隊友」羅力威相助，但箇中辛苦難以形容：「最長試過14、15個鐘無離開過我心口，條頸同對手睇完醫師馬上又痛番。媽媽手已經唔理，係媽媽背、媽媽膊、媽媽全身。無數個夜晚，抱住佢望住個天由黑變光，嗰種感覺真係難以形容，但係相信好多媽媽同我一樣，會覺得自己湊係值得。」她笑言趁女兒年紀小「抱得就抱」：「因為佢大個就唔使你抱，望住佢初生細細粒到肥肥白白識笑，真係覺得好幸福。」她更勉勵一眾新手媽媽，彼此一起加油：「攬住一齊喊，然後咬緊牙關繼續戰鬥。」

撰文：Pauline

編輯：李潔盈

美術：梁政敏