激吻羅子溢張曦雯笑男友呷醋

張曦雯（Kelly）昨日宣傳《踩過界II》，早前暈倒送院的秦煌雖未能出席活動，但已出院休養的他拍片打氣：「我好番好多，無乜事，精神好好，同大家報平安。」提到《踩過界II》接檔《木棘証人》，兩套劇都演律師的Kelly，表示劇種不同，不擔心觀眾睇厭她。

Kelly在前晚的一集《木棘証人》中，與羅子溢（前名羅仲謙）激吻連場，她笑言前晚要開工，沒有跟同居男友一同收睇：「男朋友有睇劇，佢可能有啲呷醋，佢讚我做得好好，但就無講呢場咀戲。」她笑言會錫啖男友補數：「始終係我嘅工作，男友要習慣睇多啲，若然佢睇到眼火爆，證明我演得好。」