小肥出櫃 J. Arie護摯友Keep住做徐太

小肥（徐智勇）早前突然公開出櫃，消息震驚娛樂圈。跟小肥多年來是閨密的J. Arie（雷深如），對好友公開性取向表示支持，但她笑指一向以「徐太」自封，不會因為小肥出櫃而放棄「徐太」的稱號。

河國榮與J. Arie曾合作電影《死開啲啦》成為好友，他最近獲品牌邀請出任智能產品星級大使，昨日舉行簽約儀式，契女J. Arie亦有出席活動，恭賀契爺榮獲新使命。適逢J. Arie新屋入伙，大會更送上一套智能門鎖給她，令她喜出望外。

河國榮陪愛犬生命倒數

提到J. Arie在小肥的網上節目中經常自稱「徐太」，令網友以為他們在拍拖。問她何時知道小肥的性取向？J. Arie笑言︰「咁私人嘅嘢就唔好刻意講啦，不過佢宣布呢件事都戥佢開心，其實咁多年以來，我都當自己係徐太。（聽講你哋一齊去旅行都係同房？）如果房間分唔勻，同房都無所謂，其實我都係男人嚟嘅！大家一場姊妹無所謂啦。」日後是否要改稱呼？她續說︰「唔會喎，我會繼續當自己係徐太，一直鎖住佢嘅心，佢身邊都有好多男男女女嘅朋友，佢有佢嘅選擇，總之佢嘅決定我都會支持，愛係無界限嘅，其他事就等佢自己講啦。」

至於出任代言人的河國榮，在疫市下繼續有工開，問到是否酬金豐厚？河國榮說︰「滿意嘅，逆市下有工作真係好緊要，之前一月有表演，之後已經停工半年，本來返大陸拍劇，但因為疫情關係，所有工作都要押後。」他又透露家中有年邁愛犬患骨癌，行幾步都很痛，河國榮明白到愛犬的生命正在倒數中，「應該過唔到今年。」因此能夠留在家中陪牠亦是好事。

採訪：Pauline

攝影：林良明

編輯：陳禮恒

美術：梁政敏