復出上音樂節目 感激鄭秀文鼓勵要自信 許志安：我有好好修理自己

因「安心事件」神隱一年多的許志安（安仔）昨晚復出第一擊，到九龍灣錄影ViuTV音樂節目《Chill Club》。曾自稱「壞咗嘅人」的安仔，強調已「修理」好自己，又指太太鄭秀文（Sammi）叮囑他「出嚟要真心」。安仔稱︰「過去咗就由它過去，每次睇到呢段錯誤嘅傷痕會警醒自己！」

昨晚安仔前往九龍灣為《寶麗金50周年Chill Club》擔任嘉賓，獨唱《一步一生》及與AGA（江海迦）合唱《半天假》。他約七時許戴着婚戒現身，並在錄影節目前受訪，全程表現平靜。安仔說︰「經過呢段時間沉澱、靜思及反省，自覺成長好多！」他直認昨晚是好的回歸時機，又坦言在過去一年多都在家中陪伴家人、15歲愛犬Lucky，亦有睇書、做運動裝備自己。

問及是否代表全面復工，他回應︰「我唔敢講，經過一年多加上依家疫情關係，今次出嚟係希望大家知道我已經準備好，太太（Sammi）都話工作要100%準備好，內心心態要正面。（Sammi有何鼓勵說話？）無特別講，叫我自然啲同要對自己有信心！我係依段時間都好好修理自己！」

自稱會做得更好

問及可有與黃心穎聯絡，安仔斬釘截鐵稱︰「無！以前嘅嘢過咗去，我有信心每一步都做得好，過去咗就由它過去，每次睇到呢段錯誤傷痕會警醒自己，未來要做得更好！」提及馬國明剛拍拖，安仔坦言有睇報道，但別人感情事不願置評。

此外，安仔原本去年開騷，他指現時未有打算重開，而今次回歸是希望給予信心支持自己的人。提到有傳他為好友梁漢文的十月個唱做嘉賓，安仔回應︰「我無被邀請，如果有時間都會去支持！」

此外，Sammi昨午亦更新IG，發布拍攝廣告中的自拍靚相，似是隔空支持丈夫。至於粉絲對安仔重新出發都送上鼓勵；有花生友卻狠批他重返幕前也難獲樂迷原諒。

黃心穎避談泥鯭

事實上，去年四月爆出「安心事件」後，安仔成為千夫所指，他在道歉記者會上自稱是「壞咗嘅人」，其後獲太太原諒。今年三月，安仔跟隨好友蘇永康到觀塘及九龍城向長者派發口罩行善。

另一邊廂，今年二月黃心穎被拍到跟樂隊RubberBand鼓手泥鯭（黎萬宏）拍拖，二人當時異口同聲否認。日前二人再被拍到結伴帶唐狗到寵物診所做絕育手術，泥鯭更被拍到跟心穎返回寓所。昨日黃心穎被傳媒追問時，她重申沒回應。

撰文︰Steven

採訪︰Pat

編輯︰黃寶恩

美術︰Simon

攝影︰林良明