《姊妹淘》李君妍入隔離營 新主持傅嘉莉：買定快速測試盒

無綫節目《姊妹淘》主持李君妍，因同住胞姊確診新冠肺炎，她要立即入隔離營並接受病毒檢測，幸好結果呈陰性。新加入《姊妹淘》的傅嘉莉（Kelly）昨日在將軍澳電視城錄影，她透露節目中的媽媽級主持如孫慧雪、吳若希等，暫時不用返廠拍攝。

李君妍昨日上載素顏戴口罩相，指其深喉唾液化驗測試結果為陰性：「我已在隔離營，靜養中…我會依照指引留在隔離營14天，努力保持身體健康。抱歉引起身邊朋友及公司同事們的憂慮，我在這裏再次感謝大家的關心。」

傅嘉莉與莊思敏昨日返電視城錄影新一集《姊妹淘》，日前與李君妍一起拍外景的孫慧雪與蔡嘉欣，則自我隔離沒有參與錄影。Kelly自言兩星期前已經錄影《姊妹淘》，所以並非頂替李君妍，她說：「以我所知，監製安排屋企有小朋友嘅主持暫時唔使返，好似孫慧雪同吳若希咁，今集本來搵咗楊潮凱做嘉賓，不過佢亦有小朋友，所以留番下次再錄影。」問她會否擔心開工中招？她說：「錄影廠同辦公室都消毒咗，最近都與同事團購新冠肺炎快速檢測盒，萬一接觸過疑似個案，都可以自己做初步檢測先。」

莊思敏同老公分開三個月

同場的莊思敏得知李君妍測試呈陰性，也放心不少：「我嗰日見到君妍都係得幾秒，又無近距離接觸，其他主持都驗咗無事。」有傳李君妍知道家姐確診仍照開工？莊思敏為對方幫口說：「如果知道唔出聲，當然唔係幾好，但以我所知，君妍都係當日拍緊外景先知，呢啲無得瞞嘅。」另外，莊思敏指老公新婚不久後已回台灣工作，大家預計要分開三個月：「老公依家喺酒店隔離緊，我又唔可以入境，希望疫情快啲穩定。」

採訪︰Pauline

攝影︰林良明

編輯：李潔盈

美術：梁政敏