錢小豪為影壇新血冒險開工

「大聖劈掛」一代宗師陳秀中早前在加拿大病逝，享年86歲。一班徒弟昨午在九龍灣舉行追思會，錢小豪、錢嘉樂、黃浩然、楊潮凱及冼灝英等出席。錢小豪透露其細仔剛從英國回港避炎︰「囝囝同佢媽媽住喺粉嶺，我要開工所以無見佢哋，囝囝可以留喺屋企打機。（有回港人士在隔離期間擅自外出？）有留意，我都有喺網上呼籲大家唔好咁自私。自己要開工沒辦法，其餘時間都留喺屋企！」他透露在疫情下要為新片《手捲煙》開工，因為改期會增加成本，怕製作費不夠，「我都想幫下啲年輕導演，所以才去冒險。」

此外，黃浩然為追思會而缺席《法證先鋒IV》宣傳，他表示︰「好記得師父70幾歲仍然可以做到蜈蚣彈，又好似隻馬騮咁不斷轉，好好身手。」

攝影︰林良明