陳慧敏努力維繫Long D戀情

陳慧敏昨日到商台接受森美訪問，笑言未知可會再受對方攻擊她與危地馬拉男友的Long D戀情︰「上次真係打擊到我自信心，但佢講嘢有道理，亦好照顧我，係我有我堅持，依家都無諗咁多，世事無常、變幻才是永恆。」

早前她在社交網站提到媽媽不贊成這段戀情，慧敏表示︰「就算我有穩定工作、收入、伴侶，佢都會擔心我，基於佢好愛我，但我有同佢講我依家好開心，唔使擔心。（有無嗌交？）有，都有啲激烈嘅，但有呢個經歷好好，媽媽唔係管我，只係畀意見，依家我唔係結婚走咗去，我都有交帶，現階段係隨緣。」而她則形容爸爸是救世主︰「自從有新冠肺炎之後，佢同我講『開心就得』！發生呢件事，係會同家人多咗溝通，感情昇華。」

陳慧敏坦言男友打算來香港，但不是要見家長，她明白男友來香港要花很多錢，所以不會強迫對方，又指二人目前仍在了解對方，因此要注意大家的溝通。

採訪、攝影︰Pauline