為隔離雙親補給乾糧 森美網上陪媽咪打機解悶

森美的父母日前從鑽石公主號郵輪下船，乘坐港府安排的第二班包機返港後，隨即入住火炭駿洋邨接受14日隔離檢疫。昨日森美主持電台節目後，透露由胞妹購買乾糧物資給父母，又自爆主動陪媽咪在網上打遊戲機解悶，誰知被媽咪嫌棄level太低，認真搞笑。

森美父母入住駿洋邨隔離營後，雖然政府每日提供食物及日用品，但森美兄妹亦為雙親補給乾糧，只是不能帶水果、電器和金屬物品。森美說︰「食物有人安排，不過可能棟樓多人，噚日（前日）送飯送遲咗，亦有單位遺漏，不過唔緊要，去隔離又唔係度假，有食物已經OK。」

對於有旅客入住駿洋邨後確診，森美坦言擔心，不過有關方面每日都跟進父母健康情況，抽取他們的血液及鼻黏液樣本檢查。他說︰「預計佢哋三月頭就出關，但未必即刻見面食飯，反而係我同妹妹要隔離自己，因為每日接觸太多人。」

增加溝通機會

森美又坦言事件令他與父母多了溝通機會：「呢排同佢哋傳嘅信息，係過去一年嘅總和，我呢個不孝子，都孝順咗少少。之前媽咪喺船上無wifi，依家可以打機，佢鍾意玩耕田game，我話join佢玩，點知佢玩到200關，叫我玩高啲level先再講。」森美父親亦向傳媒披露隔離營的環境及伙食，他們入住高層單位，枱上放滿女兒送來的杯麵、餅乾及紙包飲品等，亦有政府提供的雲耳蒸雞飯，森美爸爸更笑言隔離期間慳不少錢。

撰文︰倪小珊

編輯︰李潔盈

美術︰梁政敏

攝影︰林良明