麥潔文撑護士兒子入Dirty Team

近期新型肺炎肆虐，麥潔文（Kitman）兒子Bryan身為醫院護士，昨日接受《晴報》訪問時透露主動入隔離病房工作，其舉動令人欽敬。昨午Kitman接受本報訪問，她透露之前不知囝囝主動申請入隔離病房工作，並稱︰「我唔擔心，仲覺得幾好，佢好多同事都驚，反而佢主動上前綫，做佢應該做嘅事。」Kitman坦承囝囝有此決定是性格使然︰「佢唔入都要有人入去，無乜好擔心。佢曾經講過話想去打仗地方做無國界醫護人員，我都覺得無問題！」Kitman又透露，現時囝囝每日歸家即入房隔離及消毒，因此與家人甚少有接觸︰「我同老公（江華）都唔騷擾佢，佢返工時間長，返到屋企瞓幾個鐘就出去！」

此外，現時市面陷口罩荒，Kitman直言未有撲口罩，她說︰「我一條毛都無撲過，農曆新年期間喺美國登台，返到香港時已經乜都無，屋企得十幾個口罩，好在有朋友送咗幾十個畀我，所以唔擔心！」