何雁詩萬元買口罩 鄭俊弘唔肉赤：錢可以再搵

武漢肺炎肆虐，全城撲口罩及消毒用品防疫，鄭俊弘前晚出席活動時，透露未婚妻何雁詩日前在泰國豪花過萬元買十多個口罩；同場的薛家燕則笑言收到口罩做拜年禮物，令她暫時鬆一口氣。

鄭俊弘、薛家燕、范振鋒及李思欣等，前晚錄影《流行經典50年》。鄭俊弘日前與何雁詩及其家人到泰國度假，回程時何雁詩在機場禁區花費一萬元，購買十多個可重用的口罩。問鄭俊弘可會肉赤？他坦言：「健康最重要，錢可以再搵，呢啲口罩可以換濾芯嘅款式，最擔心係買唔到濾芯。」

鄭俊弘表示今次泰國之旅參加當地的排毒營，問他有否趁機造人？他笑說︰「未呀，起身需要體力做運動，過多幾年先，依家努力工作。」另外，提到舊愛姜麗文前日宣布成為人妻，鄭俊弘稱︰「佢有同我講過，非常戥佢開心。（爬你頭？）應該祝福佢哋婚姻美滿。」

薛家燕收口罩作禮物

同場的薛家燕坦言自己都要撲口罩，幸好近日獲好友拜年時送上兩盒口罩，令家燕姐興奮不已。家燕姐又表示繼續錄影《流行經典50年》，是台前幕後基於使命感，堅持繼續做節目：「市面氣氛唔好，就留喺家中看電視，希望繼續為大家帶嚟正能量。」她指無綫高層余詠珊帶了很多消毒用品，為錄影廠及咪高峰消毒，樂隊及幕後人員戴口罩工作，亦取消安排現場觀眾。

至於范振鋒與太太李思欣自言會減少外出，范振鋒又說：「雖然疫情影響，近八成工作取消咗，收入都減少，但希望香港人可以共度難關。」

撰文︰ Pauline

攝影︰林良明

編輯：李潔盈

美術：梁政敏