孖陳柏宇開騷講湊仔經 方晧玟爆囝囝亂叫人「媽咪」

方皓玟（小明）及陳柏宇（Jason）前晚合作演出商台拉闊音樂會，二人不時大談湊仔經，更不約而同表示近來工作忙，子女跟自己變得生疏，小明更「投訴」指兒子周圍叫人「媽咪」，令她不是味兒。

方皓玟和陳柏宇前晚除了獨唱多首歌曲外，又邀得鄧小巧、陳蕾、章尾而及樂隊Nowhere Boys對唱，全場氣氛熾熱，不過Jason與小明合唱《終於好天氣》時，卻略嫌失準。Jason事後說︰「之前唱咁多次都無錯到，可能上到台太興奮就唱錯咗。」

提到Jason與小明已分別為人父母，他們笑言忙完音樂會後，終於有時間陪伴子女。Jason酸溜溜說︰「自從有咗個女，平時習慣一收工就返去陪佢。不過呢幾日綵排夜咗返屋企，第二朝個女見到我好似生疏咗，黐阿媽多啲。」小明亦笑說︰「我個仔依家黐姐姐（外傭），會叫佢媽咪，後尾發覺佢落街見到男看更都叫媽咪，原來係佢口頭禪，同埋小朋友通常見邊個多，就會黐邊個。」

約定互相寫歌

Jason前晚獲太太及女兒Abigail捧場，問到Abigail可有跟小明的兒子見面？Jason笑言遇不到，小明即說︰「來日方長，實有機會見。」他們希望將來再合作，又提議互相為對方寫歌，Jason打趣說︰「我盡量，但驚影響小明事業。」

撰文︰Pauline

編輯︰李潔盈

美術︰陳超雄

攝影︰林良明