開騷秘訣 謝君豪堅持演出前小休15分鐘

舞台劇《但願人長久》昨晚正式在新光戲院大劇場開鑼，一眾演員包括謝君豪、張可頤、江美儀等昨午進行總綵排。完成綵排後已接近開騷，經驗豐富的謝君豪即把握時間，堅持讓自己小休15分鐘，以保持最佳狀態演出。

《但願人長久》故事內容講及生死，少不免有傷感情節，張可頤和謝君豪更有多場喊戲，君豪表示︰「上到台感受會強烈好多。」問到開騷前有何最後準備？君豪坦言會讓自己小休片刻︰「一定要恰一恰，15分鐘啦，叉一叉電，精神好好多。」可頤則透露會用清音丸養好把聲。

江美儀邀前夫捧場

江美儀戴上爆炸頭假髮，原來這是她自己的構思，覺得這身70、80年代打扮比較誇張，配合這個髮型，效果相當不錯。提到美儀在演出時要怒摑劇中演員邱福永幾巴掌，她解釋︰「其實有A、B team，唔使一個人捱十晚，我哋都有晒默契，會大力啲唔使就力，其實我都會被摑一巴。我摑人咁多巴，隻手都痛，不過工作人員已準備好畀我哋敷冰。」

前晚首演除了滕麗名、黃智賢捧場外，問美儀可有邀請前夫吳君祥睇個劇？她直言︰「當然有，不過佢喺大陸趕唔切返嚟。」

採訪︰Pauline

編輯︰陳禮恒

美術︰招潤洪

攝影︰林良明