北角靚景中菜館 嘗巧手菜

原北角邨地皮變身成新酒店及商場，進駐的餐廳因地利而坐擁無敵維港海景，最新的一間中菜廳「明珠海景」除了靚景，更供應多款巧手點心、大菜。

位於北角新商場北角匯的中菜館「明珠海景」，看店名已知無敵海景是其中一個賣點。一邊落地大玻璃窗外有個露天平台，可遠眺東區走廊對出的維港景致，加上坐鎮的呂江紅師傅曾於銅鑼灣名人飯堂富聲魚翅海鮮酒家掌廚，出品有保證。開業不久已有不少人查詢做婚宴場地，也是吃團年飯的好地方。

團年飯吃八寶鴨

餐廳主打一系列精緻粵菜，呂師傅特別擅長做海鮮、海味及考工夫的懷舊菜式。來吃團年飯，不要錯過要預訂才可食到的八寶鴨，師傅要在保留鴨身完整的情況下將骨拆走，極考刀工；醃味後還要釀入糯米、瑤柱、蝦米、腩肉等，先炸後蒸，工序繁複，吃其手工也值得。又像招牌杏汁花膠筒豬肺湯，以雞肉、豬肺、雞腳等熬4小時，再加入用龍皇杏自家磨的杏汁及花膠，夠養顏。

此外，意頭菜還有如發財紅燒大元蹄、發財蠔豉大脷、紫氣東來、金銀滿屋等。值得介紹一道全日供應、賣相超「呃Like」的竹笙金魚餃，水晶皮包入蝦肉、甘筍等再捏成金魚形，上面還點上金箔及「眼睛」，於竹笙上湯中「暢泳」，栩栩如生又夠好意頭。

明珠海景

地址︰北角北角邨里1號北角匯東座5樓

電話︰ 2361 1172

營業時間︰11am-4pm、5:30pm-11pm

平均消費︰$200（午市）、$400（晚市）

編輯︰魏雋

美術︰招潤洪