Dear Jane預告台上玩火

樂隊Dear Jane為三月紅館演唱會舉行記者會，席上四子揀明信片寄出，主音Tim揀了一張太太楊洛婷在台邊錫他的明信片，他表示這張卡想寄給女兒。受訪時提到他們2005年出道，等了14年終於在紅館開騷，Tim表示︰「唔覺等得好耐，我哋係見步行步，初初夾Band係諗住出CD，睇下有幾多人睇再搵咩場地開騷，無諗過可以去到紅館。」

他們憶述成立之初僅得三個人來支持，Howie直認感覺難受︰「同年年尾開騷，第一個星期淨係賣得七張飛，所以由嗰度嚟到依家真係好遠。」今次四子開兩場騷，他們都承認唔夠喉，Tim表示︰「優先訂票兩個鐘就賣晒，好開心。」他們又預告會玩火，更會噴火，問到不怕危險？他們表示不怕，唱片公司亦會買重保險。屆時會否着防火衣？Tim笑謂︰「咁咪有幾個消防員喺台上？」講到嘉賓，他們透露有男有女，都是曾經合作過的，問Tim可會邀太太上台？Tim笑言︰「我都未聽過佢唱歌。」