傳嘉穎奉子成婚 阿妹唐詩詠唔敢問

鄭嘉穎和陳凱琳（Grace）盛傳下月12日於峇里舉行婚禮，更有指Grace已懷有身孕，因此急急成婚。曾與嘉穎合演《鐵馬尋橋》的唐詩詠昨日出席手錶活動時，對「阿哥」婚訊依然口密，但透露已向公司請定假。

唐詩詠昨日被追問嘉穎的婚事，她只管傻笑及尷尬說︰「未呀，身為朋友都係聽指引咋，如果真係（結婚）要飛，都會即刻飛嘅，其實我八月同九月分別拎咗五日假。（下月12日已請假？）係我自己放假，我唔可以講太多。」問她是否做「兄弟團」？她說︰「都唔知件事係點，等佢（嘉穎）出聲，我哋就乖乖哋聽話就得。（隨時stand by？）由佢哋拍拖開始，我哋已經stand by呢件事，希望等到呢一日。」

做朋友兩脇插刀

有傳嘉穎和Grace急急結婚，全因女方陀B，是否雙喜臨門？詩詠只笑說︰「唔知呀，唔夠膽問呀，（怕BB小器？）最多三個月後先問，唔知嘅嘢唔好亂問，世界上只有佢兩個先知，大家估下。」有網民自稱目擊Grace出入醫院睇婦科，詩詠表示只有當事人親口講，自己才會相信。

提到二人低調成婚，但身邊朋友要為他們保守秘密，詩詠即說：「做朋友兩脇插刀，佢哋做任何事，我都會支持。始終呢啲係好個人嘅事，做朋友嘅就順應佢哋嘅選擇！」

採訪︰Pauline

編輯：李潔盈

美術：梁政敏