志偉驚喜現身ViuTV世界杯講波 視迷︰獎門人作反了！

無綫綜藝節目「鎮台之寶」曾志偉，昨日凌晨竟然現身ViuTV直播的世界杯準決賽英格蘭對克羅地亞，擔任嘉賓旁述及參與賽前睇波派對。志偉旁述賽事時，更狂Loop其「獎門人」經典對白「打和啦」，很多球迷Like爆他驚喜亮相有親切感；有人卻嫌志偉喧賓奪主！

一向熱愛足球的志偉，昨晨在毫無先兆下現身ViuTV的節目《Good Night Show全民睇波派對》，其後更與丹尼爾、何輝等講波佬評述「英克大戰」，令觀眾大呼過癮，同時引來揣測，他高調撑ViuTV是對TVB似乎有所不滿。

志偉︰掛住香港觀眾

揚言支持克羅地亞的志偉，旁述時未有搶嘢講，只在愛隊攻門時多次大嗌「哎唷」。克羅地亞結果以2︰1擊敗英格蘭，首次晉身決賽。

事實上，志偉在睇波派對中與主持人互動炒熱氣氛，他透露剛落機便趕赴直播場地︰「好難得有機會和大家一起講波傾下偈，無得和大家分享，世界杯好似缺少啲嘢，今日能夠返嚟幾開心！」

據知志偉今日與明星足球隊往俄羅斯欣賞後晚的決賽，或有望再在ViuTV直播中出現。很多球迷戲言「獎門人」作反了；有人卻不滿他的亮相將體育節目娛樂化。

撰文︰Steven、Pat

協力︰Selena

編輯︰黃寶恩

美術︰梁政敏