最後一個棟篤笑 黃子華重申唔係「收山」

黃子華將在暑假於紅館舉行棟篤笑，早前已宣布這是他的最後一個talk show，而子華開騷被譽為天價，有人粗略估計他這次大半個月已穩袋一億，真的可以「收山」歎世界，不過子華強調只是「收咪」而已！

黃子華前晚出席好友趙崇基執導的電影《中英街1號》首映禮，他笑說︰「我拍最初幾套電影，都幾乎係趙崇基做導演，佢搵我就無乜利嘅，今次無我就應該大收。」子華最近為棟篤笑做準備，不諱言本來閉關不出來見人，但趙崇基是他人生中第一個合作的電影導演，加上對方親自邀請，所以一定要支持。

被問到其棟篤笑可會涉及敏感題材，子華笑說︰「我嘅騷次次都敏感喎，今次更加唔准18歲以下人士進場。」有指他今次開騷賺夠一億打算「收山」？他聞言後笑說︰「我諗都唔夠膽咁諗，主辦商都無話我有呢個價，同埋我只係收咪啫，可能趙崇基會搵我拍戲呢。」子華又稱不抗拒拍敏感題材的電影，認為最重要是有好劇本又好玩。

趙崇基導演對於《中英街1號》終於能夠上映感到意想不到，他曾擔心因題材敏感而不能在香港上映，直到電影早前在大阪奪得大獎，院商才重拾信心，目前有八間戲院上映，已比預期多。

目的旨在引起討論

電影內容圍繞香港1967年暴動題材，遂引起爭議，他解釋︰「電影歸電影，係講故事，唔係論文、紀錄片，可能有啲人帶住立場去睇，見到電影唔係佢想睇到嘅嘢，所以有爭議。我覺得寫故事唔係非黑即白，係有灰色地帶可以去寫。」他否認刻意把劇本寫得含糊，亦對電影票房不會抱太大希望，只要能引起討論，已經是超額完成。

撰文︰Pauline

攝影︰林良明

編輯︰黃卉彤

美術︰顏玉玲