衛蘭開騷 舊老闆黎明力撑

衛蘭（Janice）將於明年一月在紅館舉行第四次個人演唱會，昨日記者會上，大會更播出Janice的舊老闆黎明支持短片，令她既驚且喜大叫︰「Oh My God！真係好感動！」

衛蘭將於明年1月12至14日在紅館舉行演唱會，除了舊老闆黎明拍片鼓勵外，還有鄭秀文、容祖兒及雷頌德等也拍片支持，Janice表示很興奮今次與新班底合作，當在台上被問到會否作出新嘗試時，她笑言︰「一定唔做就係跳到好似郭富城咁！」

Janice坦言本身沒有太多快歌，雖然會有跳舞歌，但肯定不會有勁舞。當年離開AMusic時盛傳與黎明鬧翻，Janice直言見到舊老闆拍片支持超級感動，問她會否請Leon來睇騷？她說一定會邀請，只是擔心對方會否來睇而已，那會否邀Leon做演唱會嘉賓？她尷尬地笑︰「其實一早落實晒嘉賓名單，至於佢哋嘅身份暫時唔透露。」

開騷無減磅壓力

昨日所見Janice的身形依然圓潤，問她會否努力減肥才上舞台？她坦言沒想過減肥，但並非放棄瘦身，只是覺得一下子大幅度減磅會影響健康。「其實最瘦嘅時候都畀人話肥，個人認為無減磅壓力，我相信鍾意聽我唱歌嘅人都唔介意我身形。」

採訪︰Pauline

攝影︰林良明

編輯︰林梓添

設計︰招潤洪