陳凱琳澄清無打尖登機

陳凱琳（Grace）最近丟低男友鄭嘉穎，陪父母及胞弟去日本旅行，不過上周末Grace一行四人到機場check in時，被指疑享有特權，毋須排隊就可以優先登機。

陳凱琳昨日出席一個頒獎禮，被問到是否check in有特權？她解釋︰「其實我買咗U-BIZ（Business class），U-BIZ喺香港機場的確可以享有優先辦理登機手續及登機。」Grace表示難得與家人度假，她負責機票住宿，可惜家姐未能放假一齊享受家庭樂，Grace說︰「上次一家人去旅行已經係好多年前嘅事喇，雖然家姐放唔到假，不過細佬就充當我哋導遊，全程佢負責上網搵好去處。（今次賣甩男友鄭嘉穎？）其實今次一早計劃同家人去，遲啲再同佢去，依家plan緊聖誕一齊去熱帶地方。」

之前Grace曾表示希望將來可以在熱帶地方舉行婚禮，問到會否即興結婚？她笑謂︰「一定唔會！」

台慶晚裝包上頸

談到昨天一身打扮頗性感，Grace高興表示媽咪都讚條裙靚，還提議她在台慶當晚可以這樣穿，不過Grace透露台慶會穿高領晚裝，她說高衩款式依然很搶眼，又說不同場合就展露不同的綫條來迎合。那嘉穎是否滿意她的身材？她坦言男友略嫌她的身形單薄，但最緊要健康。

採訪︰Pauline

攝影︰林良明

編輯：林梓添

設計：梁政敏