姚子羚幫杏兒B裸照「加工」

姚子羚與李施嬅昨日為「莎莎婦女銀袋日」記者會行騷，提到好姊妹胡杏兒日前生B，二人表示雖仍未探BB，但已看過BB全裸照，更幫BB的重要部位加上蟲蟲公仔遮掩。

雖然「胡說八道會」成員各有各忙，暫未齊人親身探望杏兒兩母子，不過杏兒已傳BB照片給好姊妹「望梅止渴」。姚子羚與李施嬅搞笑說︰「我哋睇咗BB全相，應該睇同唔應該睇嘅都睇晒，仲幫BB張相整蟲蟲遮住重要部位，胡定欣仲嫌蟲蟲唔夠大，要整大啲！」

樣子似爸爸

她們更透露杏兒囝囝眼睛似足爸爸︰「不過BB個樣日日都變，可能杏兒負責照顧多啲，會變得似杏兒多啲。」她們又大讚杏兒湊仔十分偉大︰「其實我哋好期待見到BB，杏兒都想見我哋，但佢太忙暫時拒絕我哋去探。因為佢湊B無得瞓，每三個鐘餵一次奶，又痛又辛苦。我哋覺得母愛好堅強，同埋覺得杏兒做咗媽媽，成個人都好大轉變。」她們亦讚杏兒老公Philip在網上寫甜蜜宣言冧妻，十分感動。

撰文︰李潔盈

攝影︰林良明

設計︰梁政敏

編輯：林梓添