陳慧琳爆寶貝仔 開電腦誤睇裸模

陳慧琳（Kelly）、顏卓靈及內地小生胡歌等，昨晚出席Emporio Armani秋冬系列派對，Kelly與胡歌首次同場，她笑謂︰「佢齣《瑯琊榜》有睇呀，好靚仔！」

陳慧琳表示平日工作忙，甚少睇電視，亦盡量減少讓兩個仔接觸，只是放學回家偶爾睇一陣卡通片，Kelly笑言︰「唔可以長期開着電視，唔得掂呀！」她更自爆：「試過睇到解剖鏡頭，好彩畫面唔係血淋淋，我會同自己講︰可能佢哋大個咗想做醫生呢！」

Kelly又說兩個仔試過不小心睇到模特兒裸體的鏡頭，「好彩佢哋覺得核突唔再睇，當然我嘅節目佢哋一定睇，係最好睇。」此外，蝦餃仔和小龍包目前入讀同一間國際學校，可以互相照應，雖然他們都很喜歡校園生活，但Kelly踢爆：「佢哋成日問幾時打風？」並指好彩學校不用小朋友做勞作，她不用幫忙。

胡歌讚粉絲熱情

活動上，有過百粉絲到場一睹胡歌的風采，他覺得香港的粉絲很熱情，並表示近期沒有接新戲，至於即將推出的《瑯琊榜2》，他解釋：「我沒份演出，覺得自己沒演出更好，因為第一集的角色太深入民心，如果再演另一角色，觀眾難以入戲。」

採訪︰Pauline

編輯：陳禮恒

設計：Simon