梁漢文唔敢同張智霖鬥型

梁漢文（Edmond）與王敏德（Michael）及一眾香港運動員昨早到維園出席網球慈善賽。熱愛足球的Edmond，原來對網球也相當熱衷，更曾相約陳奕迅切磋球技。

Edmond昨日笑言近日連續吃了幾天麻辣鍋，儲落好多火氣正好在球場上發洩，他坦言自小有打網球，近來更和陳奕迅一起打，Edmond謙稱︰「論技術一定係Eason好啲，佢無停過，我哋幾個月打一次。」

新劇拍到農曆新年

Edmond即將拍網劇，同劇還有張智霖（Chilam）及薛凱琪。「我喺香港拍，Chilam演警察就要捉賊捉到泰國。我做藥廠CEO，幾大挑戰。（做臥底？）唔係，不過角色有啲奸，拍呢個劇係因為之前喺劇集《無間道》客串做過臥底。」

劇集由本月拍到農曆新年，問到片酬？他說︰「OK啦，反而好期待同Chilam合作，我哋同期入行，但無合作過，之前淨係喺無綫合唱過，不過私底下好熟。（怕唔怕比較？）事實上佢好靚仔，我無向呢個方向諗。」

另外，王敏德指上一次打網球已是五年前，仔女都有學過，只是現在打高爾夫球較多，笑言要練習多些。日前他帶波蘭美女球手華雲絲嘉坐直升機欣賞香港景色，Michael透露帶了對方去沙灘。提到稍後會與大女Kayla（王曼喜）為慈善活動下廚，他表示會炮製墨西哥fusion沙律，但強調絕不簡單，至於Kayla煮甚麼就不清楚了。

撰文︰Pauline

編輯：林梓添

設計：招潤洪