靚靚Chilam蒙眼互餵雪糕行善 粉絲讚善心夫妻

一向恩愛的袁詠儀（靚靚）及張智霖（Chilam）於前日中秋節齊齊做善事，穿上情侶裝蒙眼拍片參與近期Hit爆的Ice-cream Challenge（雪糕挑戰），短片至昨晚已累積逾60萬點擊。不少網友勁Like張氏夫婦拍拖發放正能量，並稱讚靚靚愛心爆棚！

三年前，為「漸凍人」籌款的冰桶挑戰在全球掀起熱潮，很多香港明星也爭住「冷水照頭淋」，並Tag身邊好友做善事。近日，本地娛樂圈再現另一股潮爆籌款挑戰，就是為導盲犬慈善活動籌款的Ice-cream Challenge。參加者要二人一組，各自單手在一分鐘內蒙眼互餵對方食完一支甜筒，從而體驗視障人士的苦況，二人完成挑戰後，要各自在社交網再Tag三位朋友接力參與。

Chilam怕變打邊爐挑戰

袁詠儀早前被香港女首富甘比Tag中，前日她夥拍丈夫Chilam拍片行善，並在社交網發布，過程充滿愛和笑聲。由於二人蒙眼餵食，因此齊齊慘變花面貓，事後靚靚直言蒙住眼進食的感覺好驚，Chilam則笑言享受過程，更戲言若是打邊爐挑戰就弊了。靚靚孖老公的善心亦在網上喪吸正評；很多粉絲更高喊互餵雪糕甜到漏。

事實上，多位藝人及政界名人亦先後參與Ice-cream Challenge，包括鍾楚紅、何超蓮、JW、任賢齊、田北俊及蘇永康等，預計這股「雪糕旋風」將在互聯網持續發酵。

撰文︰Steven、Iris

協力︰Jenni

編輯︰黃寶恩

設計︰梁政敏