鄧小巧水族館拍MV勁興奮

鄧小巧日前為新歌《心靈作家》在海洋公園水族館拍MV，面對巨型魚缸，小巧興奮表示相隔九年再踏足海洋公園充滿好奇。「變咗好多，剛才見到噴泉表演好精采，可惜今日嚟做嘢，接近閉門先入場拍攝，無得玩！」

小巧認為水族館環境與新歌歌詞非常配合。「歌詞內容講一個人點樣同自己溝通，而踏入水族館見到啲魚游嚟游去，感覺好自在又好孤獨，其實每個人都需要呢個時段。」