黃婉曼陀B上圍狂升Cup

懷孕五個月的黃婉曼，原本已是身材豐滿，懷孕後上圍更連升幾Cup，連她自己都難以置信。目標生三個孩子的她，預計產後不用太快收身，準備迎接第二胎啦！

黃婉曼（Icy）和湛琪清（Jessica）昨日到大埔出席商場復活節活動，Icy懷胎約五個月，挺住巨肚現身活動，她笑言︰「預產期係七、八月，決定喺香港生，可以順產就最好。」原本上圍已有34E的她，懷孕後更明顯升Cup。問她目前上圍可有G Cup？她笑稱未有量度，但她坦言上身的負擔很重，她說︰「陀咗個幾月已經要換晒啲bra，依家每個月都要換，重新買過合適尺碼。」

被問到生B後上圍豈非變到H Cup？Icy不忘自嘲︰「BB咁大食，唔憂無嘢食。」她又自爆陀B後食量大增，至今增加10幾磅，她苦笑謂︰「依家都未到高峰期，我朝早要食三次早餐，飲湯、食粥、飲牛奶，仲有蒸魚。可能BB為食，頭幾個月太肚餓，唔食嘢反而會嘔，唔同階段食唔同嘢，我估計BB應該唔會揀飲擇食啩。」為BB健康着想，Icy表示懷孕後已戒酒及咖啡。

BB性別保持神秘

問到胎兒性別，Icy說想留一點私隱，她說已照了超聲波，今胎不是Twins，不過她已計劃生夠三個，又說懷孕前不知陀B的辛苦，現在終於感受到母愛的偉大。

同場還有湛琪清，她透露今日赴新加坡工作，預計復活節會在港度過，她笑稱男友已通過試用期，目前對方在北京工作，稍後會長時間留港，他們見面的時間也會多了，較容易維繫感情。

撰文︰Pauline

編輯︰黃寶恩

設計︰梁政敏