黃心穎冇陪過馬明練波

黃心穎、鄭俊弘（Fred）及湯洛雯等昨日出席劇集《與諜同謀》宣傳，眾人到攀石場進行訓練，心穎與Fred首次挑戰攀石，心穎說近年少運動，反而以前在外國讀書，會趁放假相約三五知己去跳舞。有人提議她搵緋聞男友馬國明做舞伴？心穎笑謂︰「佢都唔識跳舞！（佢最叻係咩？）踢波囉！」那她又可有睇過馬明在球場上的英姿？她說未有機會，就算對方邀請都要看看是否有空。

湯洛雯表示日前發燒弄得全身痠痛，加上攀石消耗大量體力，令她幾乎透支。談到她在劇中以靚靚造型亮相，獲網民激讚，她說飾演女間諜比較富貴，戲服都很靚，「為咗演呢個角色，開拍前減咗十幾磅，因為無一個間諜嘅身形肥嘟嘟嘛！」