唔講馬明 心穎祝麥美恩「有拖拍」

剛度過30歲生日的麥美恩，最近被撞破與無綫娛樂新聞台男主播許文軒約會，身為好姊妹的黃心穎興奮送上祝福。至於她與馬國明的進展，心穎推說以工作為重。

黃心穎前晚在上環拍新劇《雜警奇兵》煞科戲，談到好友麥美恩被影到與無綫娛樂新聞台主播許文軒密會，她帶笑謂︰「唔知呀，之前已經同麥美恩慶祝生日，仲祝佢邁向40，全力以赴，盡快結婚！」心穎表示沒有留意新聞，直至麥美恩和許文軒的合照被放上網，有網民留言恭喜二人，她才知道麥美恩有緋聞，更抵死謂︰「估唔到生日願望咁快靈驗！」

那她可覺得許文軒是麥美恩的好歸宿？心穎表示與許文軒不熟，但覺得對方幾乖仔。她又稱曾問過麥美恩鍾意甚麼類型男仔，想介紹給她認識，不過現在有緋聞就是另一回事。她有感麥美恩忙於工作，未知她是否想拍拖。另外，問心穎與馬明的進展如何？心穎笑謂忙於拍劇沒有時間拍拖。

黃智雯享受扮大肚婆

黃智雯在全劇都要裝假肚上陣，拍完有點不捨得個肚，她說︰「拍攝期咁啱喺冬天，起初陀假肚可以貼暖包，最搞笑係拍外景時有途人見到我個肚，以為真係有咗，仲走埋嚟恭喜我，劇組又成日提醒我小心，令我覺得做大肚婆有優惠。」

現實生活中可會想生小朋友？智雯說︰「拍劇大肚先啦。（想結婚先定生仔先？）我鍾意循序漸進。」正受公司力捧的她可會因此押後婚期？她說︰「無關係！結婚係開心事，但希望一班好姊妹結婚先啦。」

撰文︰Pauline

編輯︰林梓添

設計︰招潤洪