方力申：約滿唔係避舊愛

方力申（小方）回復單身一段時間，剛巧與前度鄧麗欣（Stephy）先後約滿太陽娛樂回復自由身，他澄清不續約並非外傳要劃清界綫。

方力申昨日以「無煙大使」身份出席企業頒獎禮。剛於前日37歲生日的他，被問到是否孤獨慶生？他笑謂︰「我都有同一班朋友一齊過，有女性，不過都係朋友嘅另一半。（Stephy有send短訊畀你祝賀？）唏！唔講啦。」

唔鍾意另一半吸煙

談到Stephy早前約滿太陽娛樂，有指她不續約是為了與小方劃清界綫，小方表示︰「我都約滿啦，依家自由身，有工作可以搵我。」談到出任「無煙大使」，小方自言最近有粉絲分享一張十年前照片，他說︰「證明身體同皮膚都保養得好好，唔吸煙就有呢個好處。」他慶幸身邊朋友很少會抽煙，同時也會要求將來的另一半都不吸煙。

在外國長大的林奕匡，身邊不少朋友都有抽煙習慣，甚至見過外國朋友吸食大麻，但他自覺定力夠，一次也沒有試過。「就算朋友抽煙，佢哋都好識做會走到戶外地方。」他又自爆女友不抽煙。

採訪︰Pauline

攝影︰林良明

編輯︰林梓添

設計︰招潤洪