車婉婉𠱁老公陪入產

臨盆在即的車婉婉前晚孖老公出席《骨妹》首映禮，她笑言︰「做埋聽日就收爐，依家心情好緊張呀。」

問她準備「走佬袋」沒有？婉婉坦言原本打算今個星期見完醫生才開始收拾物品，但是早前有經驗的弟婦得悉她完全未有準備，已立刻帶她去買，而且身邊朋友又送了很多奶樽、BB衫給她，現在全屋都是BB的東西。搞笑的是，婉婉一手一腳煲薑醋，卻把外籍老公嚇了一跳，不過她又透露老公不打算陪她入產房︰「佢話驚見到血會暈，於是醫生教佢到時喺旁邊支持我就得，我又同佢講可能唔會再有下一個（BB），一生人一次，miss咗會後悔，佢依家決定陪我一齊迎接BB出世。」