張繼聰自封新一代艷星

在《誇世代》中飾演choking哥的張繼聰，坦言由於圍繞他的情節不能穿蹺，所以不可透露太多，之前在《幕後玩家》中有不少情慾戲，今次他更會周旋在六姊妹之間。「大家姐因為去咗外地，所以圍繞六姊妹發生感情，當中同江美儀嘅一幕會幾誘惑。」問到今次是否同樣要騷肌？阿聰說今次主要露手臂就得，雖然都要練大隻，但就不用操到全身爆肌這麼誇張，他自嘲︰「我依家係新一代艷星，為免每次要騷肌練得辛苦，所以特別同監製講，好彩監製都答應唔使騷腹肌。」這陣子他經常增磅又減磅，出席商演活動的西裝被迫一改再改，可幸今次不用食得太清淡，笑言終於可以同家人同枱食飯了。

至於老婆謝安琪（Kay）預產期於三月底，剛巧撞正劇集開工，阿聰表示早已跟監製「打招呼」，希望到老婆臨盆時行個方便，他笑言︰「目前計劃順產，亦可能突然間要離開劇組去醫院，所以個劇同生女都係我今年兩個大project。」