中菜名廚 踩入甜品界

邊個係阿鴻？就係「阿鴻小吃」主理人鴻哥（黎偉鴻）。繼自助Style快餐店「鴻師傅」後，名廚最近新搞作，是於觀塘開甜品店，主打中西式精緻靚料甜品。

明明做中菜，點解做甜品？鴻哥解釋︰「試過參加飲宴，菜式沒甚麼，甜品卻做得馬虎，令人失望。配中菜的甜品，應該可以做得更好。」碰巧他的私人助理是甜品高手，又有合適舖位，鴻哥就敲定開甜品店。

嚴格挑選靚料

店名不再叫「阿鴻」，改為叫Hung's Dessert，擺明走年輕路綫，所以餐牌上唔止中式糖水，也有芝士餅、奶凍等西式甜點，分別由兩位大廚負責。17款選擇不算多，但不少都加入流行元素，綠茶、栗子、芒果、桃膠，花款時時轉，更迎合健康潮流，以低糖招徠，甜度比一般糖水減少一半，糖水又以冰糖代砂糖煲，清潤不死甜。

中式首選腐竹薏米銀杏糖水，鴻哥將炆招牌南乳齋的腐竹頭尾部分都用來煲糖水，腐竹分量比坊間多，入口果然豆味超濃；桃膠專挑大小適中少雜質的，顏色偏黃，膠質特別勁；薑汁奶凍自家磨薑汁做，真係夠薑；栗子蛋糕用法國栗蓉做忌廉和Mousse，又滑又香。水準高，鴻哥自言沒秘密，靚料+足料+心機，就係咁簡單；加上阿鴻大名，開業不久，生客、熟客、OL已湧住來試。

Hung's Dessert

地址︰觀塘成業街7號東廣場地下26至31號舖

電話︰2618 0168

營業時間︰11:30am-10pm

編輯︰余運慶

設計︰招潤洪