超蓮 話同方力申唔過電

何猷啟昨日為自資的手機遊戲舉行發布會，孖生家姐何超蓮亦現身撑場。超蓮大讚細佬創業好叻仔，猷啟為家姐設計角色，聲稱家姐十分有要求，既不可以性感，更不能露胸及露pat pat。

談到超蓮早前與方力申到尼泊爾慈善探訪而傳緋聞，她強調沒有與方力申拍拖，猷啟亦在旁替家姐解畫，力證小方不是家姐喜歡的類型。問到如果小方力追會否有發展機會？超蓮表示：「同小方係朋友，佢冇追我，不過目前要畀心機工作同讀書，暫時唔想拍拖。」超蓮無奈表示以後會避忌點，她一心去為慈善，沒料到焦點放錯在他們的緋聞上，搞到她都有點不好意思。